Á hora de crear unha empresa, o punto de partida é atopar unha idea ou oportunidade de negocio que xustifique afrontar o risco e o traballo de poñer en marcha o proxecto.

É conveniente ter en conta os seguintes ATRIBUTOS DA IDEA:

• A idea debe xurdir no momento adecuado: teñen que existir clientes que demanden o produto ou servizo.
• A necesidade do produto ou servizo por parte dos potenciais clientes débese manter a medio prazo. Se só é unha demanda a curto prazo, a idea non é viable para ser transformada en empresa.
• Para poder desprazar á competencia existente, a idea debe ser nova. O noso produto ou servizo debe proporcionar un valor engadido ,algo distinto que proporcione máis satisfacción aos clientes.
• Por moi especializada que sexa a nosa actividade, sempre debe haber un tamaño mínimo de clientes dispostos a demandar os nosos produtos ou servizos.

Á hora de buscar ideas, as FONTES MAIS COMÚNS onde atopalas son:

• A nosa contorna persoal. Debemos analizar a nosa experiencia laboral, os nosos coñecemento e afeccións.
• A nosa contorna cotiá: Que produtos ou servizos non dispoñibles na miña zona de residencia adoito demandar con certa frecuencia?
• A análise do mercado, prestando especial atención ao comportamento dos consumidores, aos seus desexos e gustos nunha contorna en continuo cambio.
• A análise dos negocios existentes (asistencia a feiras, congresos, contactos...) tratando de mellor os procesos existentes de fabricación, distribución, promoción, servizo posvenda...
• A lectura: revistas especializadas, estudos, estatísticas,...
• A análise dos sectores emerxentes ou en crecemento, así como dos sectores *desregulados abertos a novas ideas.